Тұру ережелері
«Инжу» демалыс кешені азаматтарды қонақүй әкімшілігімен келісілген мерзімге уақытша орналастыруға арналған. Келісілген мерзім аяқталғаннан кейін қонақ нөмірді босатуы тиіс. Тұру мерзімін ұзарту қажет болған жағдайда, есеп айырысу уақытына дейін кемінде бір тәулік бұрын (жергілікті уақыт бойынша сағат 10:00-ге дейін) әкімшіге хабарлау қажет. Ұзарту бос нөмірлер болған жағдайда ғана мүмкін. Брондау жасау арқылы қонақ өзі және өзінің отбасы мүшелері немесе тобы осы Тұру ережелерімен келісетінін растайды.
Демалыс кешені тәулік бойы жұмыс істейді. Жұмыс кезеңі: 15 маусымнан 31 тамызға дейін.
Нөмір қонаққа нөмір құны толық 100% алдын ала төленген жағдайда, брондау ваучерін немесе жолдаманы және жеке басын куәландыратын құжатты ұсынғаннан кейін беріледі. 12 жасқа дейінгі балалар үшін туу туралы куәлік қажет.
Қоныстану кезінде қонақ әр нөмір үшін 30 000 (отыз мың) теңге көлемінде қайтарымды депозит қалдыруы тиіс. Айыппұл қарастырылған жағдай туындаған кезде бұл сома депозиттен ұсталады.
Тұру ақысы бірыңғай есеп айырысу уақыты бойынша алынады – жергілікті уақыт бойынша ағымдағы тәуліктің 10:00-інен бастап. Қонақүйге кіру (check-in) – 13:00. Қонақүйден шығу (check-out) – 10:00, осы уақытқа дейін барлық есеп айырысуларды жасап, кілттерді тапсырып, нөмірді босату қажет. Нөмірді уақытында босатпаған жағдайда, әр кешіккен сағат үшін 10 000 теңге айыппұл алынады (есептеу соңғы күнгі 10:10-нан басталады).
Қосымша қызметтер қолданыстағы прейскурант бойынша төленеді. Белгілі бір нөмірді немесе қабатты таңдаған жағдайда, нөмір құнының 10% мөлшерінде қосымша ақы алынады.
Тұру мерзімін қысқарту туралы жоспарланған шығу күнінен кемінде 72 сағат бұрын хабарлау қажет. Ерте шығу кезінде қонақүй 3 тәулік тұру құнына тең соманы ұстап қалады.
Қонақтың өтініші бойынша бөгде адамдар нөмірде және мейрамханада сағат 07:00-ден 23:00-ге дейін бола алады. «Инжу» кешенінде тұрмайтын адамдарға жағажай мен бассейнді пайдалануға тыйым салынады.
Қонақ міндетті:
- қонақүйде белгіленген ережелерді сақтау;
- тазалықты сақтау және мүлікке ұқыпты қарау;
- өрт қауіпсіздігі ережелерін қатаң сақтау;
- нөмірден шыққанда су крандарының жабық екеніне көз жеткізу;
- терезелер мен балкон есіктерін жабу, жарық, теледидар, кондиционерді өшіру;
- қонақүй мүлкі жоғалған немесе бүлінген жағдайда келтірілген залалды өтеу;
- қонақүйден шыққанда кілтті әкімшіге қалдыру;
- тұру мерзімі аяқталған күні 10:00-ге дейін нөмір мен кілтті тапсыру.
Кілт жоғалған жағдайда 5000 теңге айыппұл салынады.
Эпидемиологиялық жағдайға байланысты қонақ және оның отбасы мүшелері ҚР Бас мемлекеттік санитарлық дәрігері белгілеген талаптарды сақтауы тиіс:
- дене қызуын өлшеу;
- әлеуметтік арақашықтық сақтау;
- маска тағу;
- антисептик қолдану;
- ЖРВИ белгілері пайда болған жағдайда медициналық қызметкерге жүгіну.
Қонақүй әкімшілігі мен қызметкерлері ата-анасының немесе жауапты тұлғалардың қарауынсыз қалған балалар үшін жауап бермейді. Балалардың қауіпсіздігі ата-аналардың жауапкершілігінде.
Қонақүй әкімшілігі қараусыз қалдырылған жеке заттар үшін жауап бермейді.
Қонақтар нөмірге бекітілген адам санына сәйкес орналастырылады. Қосымша орналастыру нөмір түріне байланысты және бөлек төленеді. Белгіленген адам санынан асып кеткен жағдайда орналастырудан бас тартылуы мүмкін.
«Инжу» кешенінде тыйым салынады:
- 23:00-ден кейін бөгде адамдардың әкімшілік рұқсатынсыз нөмірде болуы;
- кілттерді бөгде адамдарға беру;
- қауіпті заттарды сақтау;
- жиһазды жылжыту;
- жануарлар мен құстарды ұстау;
- басқа қонақтардың тыныштығын бұзу;
- нөмірлерде және жабық орындарда темекі шегу (айыппұл 10 000 теңге);
- төсек жабдықтарын жағажайға шығару (айыппұл 5000 теңге);
- сүлгілерді қараусыз қалдыру (әр сүлгі үшін 7000 теңге);
- шезлонгтарды бос тұрғанда иемдену;
- мейрамханадан ыдыс шығару.
Кешен аумағы жаяу аймақ болып табылады, жеке көлікпен кіруге тыйым салынады. Тұрақ аймағы бөлек, қоршалған және күзетпен қамтамасыз етілген.
Төлем жасау ыңғайлылығы үшін «Инжу» картасы арқылы депозиттік жүйе қарастырылған.
Қонақүй сыртқы коммуникациялар жұмысына (жарық, интернет) жауап бермейді. Қонақүй автономды сумен жабдықтау жүйесімен қамтамасыз етілген. Электр қуаты өшкен жағдайда генератор іске қосылады, бірақ уақытша үзілістер болуы мүмкін.
Қонақ нөмірде болмаған жағдайда (2 сағаттан астам) әкімшілік комиссия құрып, мүлікті тіркеуге алады және сақталуын қамтамасыз етеді.
Бізде қабылданбайды:
- 23:00-ден 08:00-ге дейін тыныштықты бұзу;
- аумақта қоқыс тастау;
- алкогольді шамадан тыс пайдалану.
Брондауды болдырмау ережелері:
- 15–5 күн бұрын – 10% ұсталады;
- 5 күннен аз уақытта – 30% ұсталады;
- келу күні немесе келмеген жағдайда – 3 тәулік құны ұсталады.
Осы ережелерде қарастырылмаған жағдайларда тараптар Қазақстан Республикасының заңнамасын басшылыққа алады.
Алдын ала төлем жасау қонақтың осы ережелермен келісетінін білдіреді.
Түсіністік танытқандарыңыз үшін рақмет және «Инжу» демалыс кешенінде жағымды демалыс тілейміз!